| 0102 | Morait kł febrai fros martir mar ngledenn brigit ban balc nualann cend caid caillech nerenn|
|
| R1 0102a |
| | | | balc: .i. teen
|
| R1 0102b |
| | | | nualann: .i. uasal
|
| R1 0102c |
| | | | nualann: .i. ismor nuallan .i. nualan .i. ismor 7isannuall celebartha oc brigit dogres ł ismor 7isan nualcaich hicuinchid itgi forbrigit
|
| R1 0102d |
| | | | brigit: .i. brigaitt .i. isataitti abriga ł breo saigit .i. homnes ł breo agit .i. timent
|
| 0202 | Airitiu meic maire hitempul derb dímais sluag mar martir suabais lafindig nduirn ndigrais|
|
| R1 0202a |
| | | | dímais: .i.diames de semio ł robad dimes don deacht atreabairt itempul
|
| R1 0202b |
| | | | dímais: .i. adbal mitti purgatio sanctæ marie apud romanos memoratus in hoc die
|
| R1 0202c |
| | | | suabais: .i. sobesach
|
| R1 0202d |
| | | | lafindig: .i. finnig ingen duirn ata inosraigib
|
| R1 0202e |
| | | | lafindig: finnig duirn ochill finche inosraigib .i. oath duirnd .i. dorn budi nomencollis magni himagin in maig raigni ł isinhuib scellain slebe mairce atta finnec duirnd .
|
| 0302 | Donroemat colane dogres arachtrogi sluagad find cofeli felicis simfroni|
|
| R1 0302a |
| | | | Donroemat: .i. rondirmet
|
| R1 0302b |
| | | | Donroemat: .i. robet remonn ł ronnairaimet.
|
| R1 0302c |
| | | | colane: .i. cocomlani .i. slani
|
| 0402 | Fronius is magnus gelaisa roffesor german martir huasal cuanda credal cresen|
|
| R1 0402a |
| | | | gelaisa: .i. papa
|
| R1 0402b |
| | | | cuanda: [...] uanna .i. lis moir mochuta mac mathar dom<o>chutu hé
|
| R1 0402c |
| | | | cuanda: cuanna olis mor
|
| R1 0402d |
| | | | credal: .i. credmech .i. crabech
|
| R1 0402e |
| | | | credal: credal .i. craidbech.
|
| R1 0402f |
| | | | cresen: .i. cressenech .i. aintech.
|
| 0502 | Crotha corp agatha ingerat conglaini la issu coṅgili tathus mar maith airi|
|
| R1 0502a |
| | | | Crotha: .i. romcrocat
|
| R1 0502b |
| | | | Crotha: .i. rocrochad tathus .i. rothinol.
|
| R1 0502c |
| | | | agatha: [...] sicilia hautem martirio coronata est sub [...] ecio imperatorio
|
| R1 0502d |
| | | | ingerat: .i. beoda
|
| R1 0502e |
| | | | conglaini: .i. credulus
|
| 0602 | Andreas ard a ordan epscop mel mind rigi lucia conani nadchumscaigset mili|
|
| R1 0602a |
| | | | Andreas: Andreas .i. frater petri sub consule egias inachaia prouincia passusest patrias ciuitatis greciæ
|
| R1 0602b |
| | | | Andreas: .i. orned andreas in achaia
|
| R1 0602c |
| | | | Andreas: .i. ordinatio eius ciuitate ubi passus est
|
| R1 0602d |
| | | | epscop: .i. oardachu iteffa
|
| R1 0602e |
| | | | epscop: epscop mel oardachud hitethba
|
| R1 0602f |
| | | | lucia: .i. uirilis
|
| R1 0602g |
| | | | lucia: lucia nadchumsaigset. mili. foremthetar ilmili acumscugud. lucia enim insicili fuit in ciuitate siracusanorum. 7ipsa uiro disponsata est. contigit quidem antequamconuenirent ut ueniret cum matre euticia inciuitatem catinensium adgatham ut rogaret eam promatre. quae per septim annos fatigata est influxu sanguinis. 7mater liberata est peste predicta. 7apparuit agatha luciæ insomnis 7ipsa spreuit talamum sponsi deinde abiit sponsus adpaschasium proconsulem qui in urbe siracusana erat. 7narrauit ei omnia. 7proconsul dixit. tolle eam uiolenter. 7ille solus non potuit mouere eam sed7alios secum duxit ut eam moueret 7additusest numerus trahentium ad centumsed non mouerunt eam. deinde admille 7postea ad multa milia 7multa paria boum ducta sunt 7non potuerunt eam mouere de loco suo. sed illic gladio percussa est.
|
| R1 0602h |
| | | | nadchumscaigset: .i. foreim mili fer agluasacht asin dinud irrabi 7 gladio percussa est in ciuitatemsiracus annorum
|
| 0702 | Mellan inse huaisle macc huichuinn nadnale lomman locharn brige locha huair ard age|
|
| R1 0702a |
| | | | inse: inis maic uichuind iconnachtaib
|
| R1 0702b |
| | | | inse: .i. inse meicc huichuinn forloch erpsen in iarthur chonnacht
|
| R1 0702c |
| | | | nadnale: .i. imitge uad
|
| R1 0702d |
| | | | lomman: .i. othigh lomain icloch uair
|
| R1 0702e |
| | | | lomman: .i. inse moire locha huair immide.
|
| R1 0702f |
| | | | age: .i. aga .i. soil
|
| 0802 | Hua an indeciss ba imchrist alabra fiachra ba fer ferda ab hirard amra|
|
| R1 0802a |
| | | | Hua an indeciss: .i. icluain mor moedoic ata
|
| R1 0802b |
| | | | Hua an indeciss: .i.dechonnachtaib do ise rothinoil reliquias sanctorum hinderthaig relci cluana moir moedoc.
|
| R1 0802c |
| | | | ba imcrist: .i. icríst nomolad
|
| R1 0802d |
| | | | fiachra: .i. oirard inuibdrona friberbæ aniar do connachtaib do 7ise rothino noeb nerend mor moedoc
|
| R1 0802e |
| | | | fiachra: fiachra ohirard inhuib drona.
|
| R1 0802f |
| | | | hirard: .i. celldilaignib
|
| R1 0802g |
| | | | amra: .i. romait
|
| 0902 | Mochuaroc indecnai noeb nadamair digna cairech dergan deoda epscop ronan rigda|
|
| R1 0902a |
| | | | Mochuaroc: .i. isnadesib muman ata
|
| R1 0902b |
| | | | Mochuaroc: .i. indesib muman ata. 7illaichis hitoeb thigi mochua.
|
| R1 0902c |
| | | | digna: .i. dimicin
|
| R1 0902d |
| | | | cairech: .i. calleach fail icluain bairend itaib cluana mac nois 7siur erne arne hi
|
| R1 0902e |
| | | | cairech: cairech dergan ocluain bairenn inhuib mane.
|
| R1 0902f |
| | | | epscop ronan: .i. olius mor mochutu.
|
| 1002 | Retlu chain gein mbuada bruth oir etrocht age cronan caid cendigna grian gel glasse mare|
|
| R1 1002a |
| | | | Retlu: .i. retglan
|
| R1 1002b |
| | | | bruth: .i. olismormochuta
|
| R1 1002c |
| | | | age: .i. soil ł deoil
|
| R1 1002d |
| | | | cronan: cronn macc mellan oglais moir indesib muman. ł glais mor cella robai itoeb suirt doleith andes cotangatar gaill inber domnann cuicci coromarbsat amuntir huili in una nocte.
|
| R1 1002e |
| | | | glasse mare: .i. isnadesib muman
|
| R1 1002f |
| | | | glasse mare: .s. scol [...] sorc[...]
|
| R1 1002g |
| | | | cendigna: .i. cendimicin
|
| 1102 | Mogopnat coṅglanbuil imṡeirc crístbahilmain maith leiss gres diagarmaim epscop etchen inmain|
|
| R1 1102a |
| | | | Mogopnat: .i. obarniuch
|
| R1 1102b |
| | | | Mogopnat: gopnat barnich immoin moir indesciurt hernenn. uirgo de sil chonaire.
|
| R1 1102c |
| | | | coṅglanbuil : .i. li .i. dath
|
| R1 1102d |
| | | | bahilmain: .i. ba eolchair
|
| R1 1102e |
| | | | bahilmain: .i. isi inṡeirc críst nobid ahilmaine .i. aciccairecht .i. cupido .
|
| R1 1102f |
| | | | diagarmaim: .i. dia molad
|
| R1 1102g |
| | | | epscop etchen: .i. cluain fota bæthan iferaib bile
|
| R1 1102h |
| | | | epscop etchen: .i. ocluain fota baetan abb hiferaib bile indesciurt mide.
|
| 1202 | IMmonepscop simplex slechta primslog promtha daman mil mind martra comacraid chain chrochtha|
|
| R1 1202a |
| | | | slechta: .i. roslitge
|
| R1 1202b |
| | | | mind martra: .i. mind tremartra he
|
| 1302 | Hicurchan modomnoc anair darmuir ngledend dobert brigach nualann sil mbuach mbec nerenn|
|
| R1 1302a |
| | | | ṅgledend: .i. dathglan .i. dicaid
|
| R1 1302b |
| | | | nualann: .i. uasal
|
| R1 1302c |
| | | | Hicurchan modomnoc: Hicurchan modomnoc othiprait fachtnai in iarthur ossroge.
|
| 1402 | Hiroi ualentini marcellus roringed hiflaith crist roclannad ochtmoga caincinged|
|
| R1 1402a |
| | | | Hiroi: .i. icath
|
| R1 1402b |
| | | | Hiroi: .i.isin reig roragad ualentinus is inte roriagad marcellus
|
| R1 1402c |
| | | | ualentini: martiris qui in roma sub cesare gl[...]atusest
|
| R1 1402d |
| | | | marcellus: .i. papa
|
| R1 1402e |
| | | | roringed: .i. roriged .i. roriagad
|
| R1 1402f |
| | | | cinged: .i. cing
|
| R1 1402g |
| | | | cinged: .i. calma .i. rocheimnigestar cocal[...]
|
| R1 1402h |
| | | | cinged: ciṅger ł renfer.
|
| 1502 | Cain celebrad domnaig iarnabarach ndadaig. lacesaid sloig brigaig buaid meic de dianamaid|
|
| R1 1502a |
| | | | celebrad: ariscelebrad domnaig dogres incac sollommoin issinbliadna
|
| R1 1502b |
| | | | Cain: .i. canta
|
| 1602 | Donduaig iuliana annainm nel cohimbel laisceith scél ahannaig demon damail indel|
|
| R1 1602a |
| | | | laisceith: .i. innisi
|
| R1 1602b |
| | | | ahannaig: .i. cechuilc dorigni othosuch domuin
|
| R1 1602c |
| | | | indel: .i. cumrech
|
| R1 1602d |
| | | | indel: indel .i. rodamair aintlediu ł indel .i. achengul q iuiliana ligauit eum corporeis uinculis. 7 cuncta eius scelera ligatus uirgini narrauit. sub maximiano imperatore 7elesio prefecto 7sponso eius innicomedia prouincia passa est
|
| R1 1602e |
| | | | iuliana: qui in cunus [...] sub maximian[...] gladio decol[...]
|
| R1 1602f |
| | | | iuliana: iuliana uirgo .i. iofer niger nomen demonis qui temptauit euam 7adam 7cain 7xpistum 7item iulianam
|
| 1702 | Dlomthus cach cohollmuir feil cormaicc conglanboil lafeil fintain filich cluana edhnig adboil|
|
| R1 1702a |
| | | | Dlomthus: .i. innisid .i. radid
|
| R1 1702b |
| | | | Dlomthus: .i. innis cormacc epscop athatruim imbregaib
|
| R1 1702c |
| | | | feil: .i. iofirdub .i. eps oat trium hiloegaire immide
|
| R1 1702d |
| | | | cluana edhnig: .i. illaichis lagen ata cluain ednech.
|
| R1 1702e |
| | | | cluana edhnig: fintan cluana ednech illaichis.
|
| 1802 | Bebais incaid colman molipa nodnali hifeil fir connoebi rutuli siluani|
|
| R1 1802a |
| | | | Bebais: .i. bai do bas
|
| R1 1802b |
| | | | Bebais: .i. atbath.
|
| R1 1802c |
| | | | colman: .i. oardbo icenuil eogain
|
| R1 1802d |
| | | | molipa: molipa oenoch inultaib
|
| R1 1802e |
| | | | molipa: molipa inhuib echach ulad.
|
| R1 1802f |
| | | | nodnali: .i. nonguid
|
| 1902 | Sluind lett lapais pupli pais maircill mind mbuadach boethini mor mainech macc caindelda cuanach|
|
| R1 1902a |
| | | | pais: .i. cetror
|
| R1 1902b |
| | | | boethini: .i. othig baithin in iarthar midi
|
| R1 1902c |
| | | | boethini: Sluinn boithene othig baithin iniarthur mide.
|
| R1 1902d |
| | | | mainech: .i. sluagthech
|
| R1 1902e |
| | | | cuanac: cuanach mac brigach maic alba[...] comanmann ror[...] laithene balc b[...]
|
| 2002 | Gaius intepscop achesad nicelar immaslecht scel ndogar fiche trénar trebar|
|
| R1 2002a |
| | | | intepscop: .i. papa.romae.
|
| R1 2002b |
| | | | ṅdogar: .i. nirbogar
|
| R1 2002c |
| | | | ṅdogar: .i. torsech ł bronach.
|
| R1 2002d |
| | | | immaslecht: .i. immoraslaitte
|
| 2102 | Togairm fintain choraig post contemptum mundi hifeil fir colainni uiruli iocundi|
|
| R1 2102a |
| | | | Togairm: .i. rotograd
|
| R1 2102b |
| | | | fintain: .i. hilemchaill et[...] ach ocuslaichis a[...] ailitri doclua[...] uactaib coragl[...] coir 7ratha[...] eim cotisad [...]dis
|
| R1 2102c |
| | | | fintain: .i. diailithri dochoith hiconnachtaib co rogabtha cuir 7ratha aire arabeo ł aramarb dothichtain iterum ideo que dicitur fintan corach. ł coir gabair hicolige 7nihalle hillemchaill etir huduach 7laichis ata .fintan.corach. ł hicluain athchen hillaichis ł hicluain ferta brenainn ata fintan.corach.
|
| R1 2102d |
| | | | choraig: .i. rolingas crinasaluc
|
| R1 2102e |
| | | | uiruli: propriumnomen
|
| R1 2102f |
| | | | iocundi: propriumnomen
|
| 2202 | INantoig ahortan petair adfet ecna gein lurint lanfrecra lafeil toidlig thecla|
|
| R1 2202a |
| | | | ahortan: .i. ordned petair inantiaig
|
| R1 2202b |
| | | | adfet: .i. roinnis mor necnai icforcetul chaich
|
| R1 2202c |
| | | | toidlig: .i. tatnemaig
|
| R1 2202d |
| | | | thecla: .i. uirginis p[...] cla[...]
|
| R1 2202e |
| | | | INantoig: .i. ordinatio petri inantiochia
|
| R1 2202f |
| | | | lurint: .i. deochain roma .i. ropecnaid rorecair donagentib
|
| 2302 | Mathias intapstal arcrist cesais riaga dondrichiud ronsnada conneoch adidṅgialla|
|
| R1 2302a |
| | | | ṅgialla: ł donneoch agialla
|
| 2402 | Lapais luciani cruimther crochtha demna abb iæ an ergna cummini find febda|
|
| R1 2402a |
| | | | cruimther: .i. sacart
|
| R1 2402b |
| | | | cruimther: .i. cruimter .i. sacart
|
| R1 2402c |
| | | | crochtha: .i. rochroch
|
| R1 2402d |
| | | | febda: .i. febde occai .i. ropa ladia [...]
|
| R1 2402e |
| | | | febda: .i. æsmar he.
|
| 2502 | Fofrid cenn poil apstail indanchinged chredlaig hifeil indḟ̇ir chumrig teolis treoin trednaig|
|
| R1 2502a |
| | | | indanchiṅged: .i. inchinngedain
|
| R1 2502b |
| | | | chredlaig: .i. cretmig
|
| R1 2502c |
| | | | chumrig: .i. roscumrig fein ardia
|
| R1 2502d |
| | | | chumrig: .i. tr<o>scaig
|
| 2602 | Togairm alaxandri hisosad sanctorum foroenlith lantene gene darcellorum |
|
| R1 2602a |
| | | | alaxandri: iest alaxandriæ episcopi 7con[...] soris
|
| R1 2602b |
| | | | hisosad: .i. nem
|
| R1 2602c |
| | | | hisosad: .i. incaelum
|
| R1 2602d |
| | | | lantene: .i. tene lan dorath
|
| R1 2602e |
| | | | darcellorum: .i. inem
|
| 2702 | Lacessad habundi marolaidib lammais feil congain cing innis airec cinn iohannis|
|
| R1 2702a |
| | | | cing innis: .i. cendinsem
|
| R1 2702b |
| | | | cing innis: cing ł cinn.
|
| R1 2702c |
| | | | cing innis: .i. dena ahinise
|
| R1 2702d |
| | | | iohannis: prima inuentio ca[...] iohannis babtiz[...] centos lx annnos [...] c[...] a [...] n[...]
|
| R1 2702e |
| | | | iohannis: .i. inuentio prima capitis iohannis baptiste post .cclx. annos postquam decollatus est ab herode memoratus hic. caput hautem pauli apostoli post.xl. annos post decollationem eius inuentum est qui anerone occissus est.
|
| R1 2702f |
| | | | marolaidib: .i. marolaidib lammais .i. dialammair cor lama armolad hifilidecht.
|
| R1 2702g |
| | | | congain: comgan oglinne huisen.
|
| 2802 | Hifeil sillain bendchoir deich nóebuaga delbdai la cessad sluaig ḟerdai forcennat crich febrai
|
| R1 2802a |
| | | | delbdai: .i. alli
|
| R1 2802b |
| | | | ḟerdai: .i. colmai
|
| R1 2802c |
| | | | forcennat: .i. forbanait
|
| R1 2802d |
| | | | sillain: sillan sacart 7comarba comgaill bennchoir.
|